İlk dəfə – Premyer Liqada onların da danışıqları yayılacaq
İlk dəfə olaraq İngiltərə Premyer Liqası oyunlarının yayımları zamanı oyunçuların hakimlərlə söhbətlərinin səs yazısını əldə etmək mümkün olacaq.
AZERFAX.AZ xəbər verir ki, bu barədə “The Guardian” qəzeti məlumat yayıb.
Bu yenilik, altı həftəlik sınaqdan sonra ötən mövsüm yayımların daimi bir hissəsinə çevrilən “RefCam” sisteminin genişləndirilməsinin bir hissəsi olacaq. Hakimlərin başlarına quraşdırılmış kameralar mübahisəli vəziyyətlərin dərhal yeni bir bucaqdan təkrarlanmasına imkan verir.
Əvvəllər “RefCam” kameraları tərəfindən qeydə alınan səs yazıları yayımlarda dərhal istifadə edilə bilməzdi, yazılar yalnız bir neçə gün sonra əlçatan olurdu. İndi qaydalar yumşaldılacaq: Premyer Liqanın 38 turunun hər birində bir və ya iki bölüm səs vasitəsilə nümayiş olunacaq.
Hələlik canlı yayımlardan söhbət getmir. Hadisələrin təkrarlarına səs yazıları tamamlandıqdan dərhal sonra əlavə olunacaq. Bundan əlavə, VAR tərəfindən nəzərdən keçirilən vəziyyətlərdə yazılardan istifadə edilə bilməz, çünki bu cür söhbətlərin canlı yayımları IFAB qaydaları ilə qadağandır.
Premyer Liqa və əvvəllər PGMOL kimi tanınan Pro Ref, IFAB-ı qaydalarını yumşaltmağa və səslərin birbaşa canlı televiziyada yayımlanmasına icazə verməyə inandırmağa çalışır.
