Messi DÇ-2026-da ilk qolunu vurdu

“İnter Mayami”nin və Argentina millisinin hücumçusu Lionel Messi 2026-cı il dünya çempionatının qrup mərhələsinin birinci turunda Əlcəzairlə keçirilən oyunun 17-ci dəqiqəsində fərqlənib.

AZERFAX.AZ TASS-a istinadla xəbər verir ki, futbolçu görüşdə hesabı açıb.

38 yaşlı forvard Rodriqo de Polun ötürməsindən sonra dəqiq zərbə ilə yığmasının bu dünya çempionatındakı ilk qoluna imza atıb.

Argentina və Əlcəzair komandaları arasındakı oyun Kanzas-Sitidə keçirilir və qarşılaşmanın start fiti Bakı vaxtı ilə saat 05:00-da səslənib.

2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçirilir. Start götürən dünya çempionatı 48 yığma komandanın iştirak etdiyi ilk turnirdir.

Hüseyn İbadlı