MMA tarixinin ən yaxşı döyüşçüsü mənəm

UFC-nin ağır çəkidə keçmiş çempionu Fransis Nqannu özünü MMA tarixinin ən yaxşı döyüşçüsü adlandırıb.

AZERFAX.AZ xəbər verir ki, Fransis Nqannu mətbuat konfransında bildirib:

“Mən MMA tarixinin ən yaxşı döyüşçüsüyəm. Bəli, müəyyən bir məqamda boksa diqqət yetirdim. Amma geri qayıtmaq mənim üçün asan oldu. Fərqi hiss etdim və fərqli bir intizam növünə baxdım. Boksda da çox məşq etdim. İndi isə əlimdən gələni edəcəyəm”.

Nqannu, “Most Valuable Promotions” (MVP) liqa turnirinin əsas qarşılaşmasında braziliyalı Felipe Lins ilə qarşılaşacaq. Döyüş 16-17 may gecəsi ABŞ-ın Los-Anceles şəhərində keçiriləcək.