“Qalatasaray” – “Fənərbağça” derbisinin tarixi dəyişdi
Türkiyə Super Liqasında mövsümün ilk böyük derbilərindən biri ilə bağlı dəyişiklik edilib. “Qalatasaray”la “Fənərbağça” arasında keçiriləcək qarşılaşmanın tarixi dəyişdirilib.
AZERFAX.AZ Türkiyə mediasına istinadən xəbər verir ki, 9-cu turda keçirilməsi planlaşdırılan “Qalatasaray” – “Fənərbağça” matçı oktyabrın 25-dən 26-na keçirilib. Qərarın İstanbulun müxtəlif ərazilərində oktyabrın 25-də keçiriləcək kütləvi tədbirlər və bununla bağlı təhlükəsizlik tədbirləri nəzərə alınaraq qəbul edildiyi bildirilib.
Böyük maraqla gözlənilən qarşılaşma 26 oktyabr, bazar ertəsi günü saat 21:30-da başlayacaq.
Türkiyə Futbol Federasiyasının açıqlamasında qeyd olunub ki, qərar İstanbul Valiliyinin İl Emniyyət Müdirliyinin sentyabrın 14-də göndərdiyi məktub əsasında qəbul edilib.
Super Liqanın ilk yarısında keçiriləcək digər derbilərin tarixləri də açıqlanıb. Oktyabrın 19-da “Trabzonspor” “Beşiktaş”ı qəbul edəcək. Noyabrın 30-da “Beşiktaş” – “Qalatasaray”, dekabrın 13-də isə “Fənərbaxça” – “Trabzonspor” qarşılaşmaları keçiriləcək.
