“Qarabağ” pley-offa yüksəldi – Konfrans Liqası
“Qarabağ” UEFA Konfrans Liqasında pley-off mərhələsinə yüksəlib.
AZERFAX.AZ-ın məlumatına görə, Qurban Qurbanovun baş məşqçisi olduğu komanda III təsnifat mərhələsinin cavab oyununda Ukraynanın “Dinamo” (Kiyev) kollektivini qəbul edib.
Tofiq Bəhramov adına Respublika stadionundakı qarşılaşma Azərbaycan təmsilçisinin qələbəsi ilə yekunlaşıb – 2:0.
12-ci dəqiqədə Jali Muaddib hesabı açıb. 69-cu dəqiqədə Aleksey Kaşuk fərqlənib.
Beləliklə, Polşadakı ilk matçda rəqibinə 0:1 hesabı ilə uduzan “Qarabağ” UEFA Avropa Liqasında pley-offa yüksəlib.
“Köhlən atlar” bu raundda “Tvente” (Niderland) – DAK 1904 (Slovakiya) cütünün qalibi ilə üz-üzə gələcək.
***
21:33
UEFA Konfrans Liqasının III təsnifat mərhələsinin “Qarabağ” – “Dinamo” (Kiyev, Ukrayna) oyununda ikinci qol vurulub.
Metbuataz-ın məlumatına görə, Azərbaycan təmsilçisi hesab arasındakı fərqi artırıb – 2:0.
69-cu dəqiqədə Aleksey Kaşuk fərqlənib.
***
21:02
UEFA Konfrans Liqasının III təsnifat mərhələsinin “Qarabağ” – “Dinamo” (Kiyev, Ukrayna) oyununda ikinci hissə başlayıb.
AZERFAX.AZ-ın məlumatına görə, Azərbaycan təmsilçisi hesabda öndədir – 1:0.
12-ci dəqiqədə Jali Muaddib fərqlənib.
***
20:50
UEFA Konfrans Liqasının III təsnifat mərhələsinin “Qarabağ” – “Dinamo” (Kiyev, Ukrayna) oyununda ilk hissə başa çatıb.
AZERFAX.AZ-ın məlumatına görə, Azərbaycan təmsilçisi fasiləyə öndə yollanıb – 1:0
12-ci dəqiqədə Jali Muaddib fərqlənib.
***
20:14
UEFA Konfrans Liqasının III təsnifat mərhələsinin “Qarabağ” – “Dinamo” (Kiyev, Ukrayna) oyununda hesab açılıb.
AZERFAX.AZ-ın məlumatına görə, matçda ilk qolu Azərbaycan təmsilçisi vurub.
12-ci dəqiqədə Jali Muaddib fərqlənib.
***
20:00
UEFA Konfrans Liqasının III təsnifat mərhələsinin “Qarabağ” – “Dinamo” (Ukrayna) oyunu başlayıb.
AZERFAX.AZ-ın məlumatına görə, matç Tofiq Bəhramov adına Respublika stadionunda keçirilir.
Qarşılaşmanın baş hakimi ingiltərəli FIFA referisi Stüart Attuelldir.
Xatırladaq ki, komandalar arasında Polşada baş tutan ilk oyun Ukrayna təmsilçisinin 1:0 hesablı qələbəsi ilə başa çatıb.
III təsnifat mərhələsində üstün olan tərəf pley-off-da “Tvente” (Niderland) – DAK 1904 (Slovakiya) cütünün qalibi ilə qarşılaşacaq.
