Rusiya və Ukrayna danışıqları bərpa edə bilər

Kremlin sözçüsü Dmitri Peskov ABŞ nümayəndələrinin Moskva və Kiyevdə keçirdiyi görüşləri sülhə doğru atılan addım kimi qiymətləndirib.

AZERFAX.AZ xəbər verir ki, o, amerikalı rəsmilərin sülh səylərinə böyük əhəmiyyət verdiklərini bildirib. Peskov ABŞ, Rusiya və Ukrayna arasında üçtərəfli danışıqların yenidən başlanması ehtimalını istisna etməyib. Məlumata görə, Stiv Uitkoff və Cared Kuşnerin Ukraynadakı görüşlərinin nəticələri ilə bağlı Rusiya tərəfinə hələ məlumat verilməyib.

Bildirilir ki, bu məsələ ilə bağlı Vladimir Putin və Donald Tramp arasında telefon danışığı baş tuta bilər.