​68 il dayanmadan hıçqırdı

Dünyanın ən qəribə hadisələrindən biri amerikalı Çarlz Osbornun başına gəlmişdir.

AZERFAX.AZ xəbər verir ki, 1922-ci ildə 160 kiloqram çəkisi olan bir donuzu kəsməyə çalışarkən yıxılan Osbornun beynindəki kiçik bir damar partlayaraq onun tənəffüs mərkəzində hıçqırıq refleksini idarə edən nahiyəyə zərər verib. Həmin gündən etibarən başlayan və tibb dünyasını heyrətə salan bu vəziyyət tam 68 il boyunca dayanmadan davam edib.

İlk illərdə dəqiqədə təxminən 40 dəfə hıçqıran Osborn, sonrakı dövrlərdə bu intensivliyin dəqiqədə 20-yə qədər düşməsinə baxmayaraq, həyatının böyük bir hissəsini bu qeyri-adi vəziyyətlə keçirməli olub. Çarlz Osborn bu çətin vəziyyətə baxmayaraq normal həyat sürməyə çalışıb, evlənib və uşaq sahibi olaraq iş həyatına davam edib. O, zamanla hıçqırıq səslərini minimuma endirmək üçün xüsusi bir tənəffüs texnikası inkişaf etdirib və bunun sayəsində ətrafındakıları narahat etmədən ünsiyyət qurmağa nail olub.

Ginnesin Rekordlar Kitabına “dünyanın ən uzunmüddətli hıçqırıq krizi” kimi düşən bu maraqlı hadisə, 1990-cı ildə – Osbornun ölümündən cəmi bir il əvvəl, heç bir tibbi müdaxilə olmadan qəfildən öz-özünə dayanıb. O, ömrünün son bir ilini tamamilə hıçqırıqsız, sakit bir şəkildə yaşaya bilib. (publika. az)