ABŞ prezidenti ölkədə fövqəladə vəziyyət elan etdi
ABŞ prezidenti Donald Tramp ölkənin milli təhlükəsizliyinə ticarət kəsiri təhlükəsi ilə əlaqədar ölkədə fövqəladə vəziyyət elan edib.
AZERFAX.az xarici KİV-ə istinadən xəbər verir ki, fövqəladə vəziyyət aprelin 9-da qüvvəyə minəcək.
“ABŞ-ın ticarət kəsiri ABŞ-ın milli təhlükəsizliyi və iqtisadiyyatı üçün qeyri-adi və fövqəladə təhlükə yaradır. Bu təhlükənin mənbəyi bütövlükdə və ya böyük ölçüdə Birləşmiş Ştatlar hüdudlarından kənarda, əsas ticarət tərəfdaşlarının daxili iqtisadi siyasətlərində və qlobal ticarət sistemindəki struktur disbalansındadır. Bununla əlaqədar olaraq milli fövqəladə vəziyyət elan edirəm”, deyə Ağ Evin sahibi bildirib.
Məlumata görə, fövqəladə vəziyyətin elan edilməsi Trampa tariflər üzərində daha çox səlahiyyət verir. Xatırladaq ki, Tramp aprelin 5-dən etibarən digər ölkələrə münasibətdə 10% əsas gömrük rüsumu tətbiq olunacağını da elan edib.
