İsrail 26 il sonra həmin qəsri ələ keçirmək istəyir

İsrail Müdafiə Ordusunun (İDF) 16 tank və yeddi zirehli transportyoru Livanın Nəbətiyyə əyalətindəki sıldırım qayalıq üzərində yerləşən orta əsrlərə aid Bofor (Qalaat-Şkif) qəsrinə doğru irəliləyir.

AZERFAX.AZ xəbər verir ki, bu barədə “Al Hadath” nəşri məlumat yayıb.

Bildirilir ki, İsrail tərəfi 1982–2000-ci illərdə, Cənubi Livanın işğalı dövründə nəzarətində olan bu qəsrə yenidən nəzarəti bərpa etməyi planlaşdırır.

Mayın 26-da İsrailin Baş naziri Binyamin Netanyahu İDF-nin Livandakı əməliyyatlarını genişləndirdiyini və strateji əhəmiyyətli bölgələri nəzarətə götürdüyünü açıqlayıb. Baş nazir əlavə edib ki, ordu ölkənin şimalındakı yaşayış məntəqələrini qorumaq üçün təhlükəsizlik zonasını möhkəmləndirir.