Əməliyyatdan sonrakı halını paylaşdı – Foto

Türkiyəli aktyor Ufuk Özkan əməliyyatdan sonra sağlamlığına qovuşduğunu açıqlayıb.

AZERFAX.AZ xəbər verir ki, o, xəstəxanadan çıxdıqdan sonra sosial şəbəkədə aktivləşib və vəziyyəti ilə bağlı paylaşımlar edib.

“Düşünmürdüm ki, bu qədər sevilirəm. Mənim üçün dua edən hər kəsə təşəkkür edirəm”, -deyə aktyor bildirib.

Xatırladaq ki, qaraciyər çatışmazlığından əziyyət çəkən 50 yaşlı aktyora quruluşçu operator Salih Kıvırcık donor olub. Təxminən 8 saatlıq əməliyyatdan sonra həm Özkanın, həm də donorun sağlamlığının yaxşı olduğu açıqlanıb.