Klopp “Liverpul”a Salahın yerinə onu almağı tövsiyə etdi

Yurgen Klopp “Liverpul”a Məhəmməd Salahın yerinə “RB Leypsiq”dən Yann Diomandeni almağı tövsiyə edib.

AZERFAX.AZ xəbər verir ki, bu barədə “The Sun” qəzeti məılumat yayıb.

Bu həftə Salah mövsümün sonunda Liverpuldan ayrılacağını açıqladı. Tərəflər qarşılıqlı olaraq 2027-ci ilin yayına qədər olan müqaviləsini ləğv etmək barədə razılığa gəldilər.

İki il əvvəl “Liverpul”dan ayrılan və hazırda “Red Bull”un qlobal futbol bölməsinin rəhbəri olan Kloppun keçmiş klubunu Diomande ilə müqavilə bağlamağa təşviq etdiyi deyilir.

“Liverpul”un Salahın yerinə iki cinah oyunçusu transfer etməsi gözlənilir. Diomandenin dəyəri təxminən 100 milyon avrodur.

Qeyd edək ki, hücumçu ilə “Mançester Yunayted”, “Arsenal” və “Tottenhem”in də maraqlandığı bildirilir.