Onunla dünyanın sonuna qədər gedərəm

“Barselona”nın ulduzu Rafinya Dias komandasının çempionluğu rəsmiləşdirdiyi “Real Madrid” üzərində qələbəsindən sonra jurnalistlərə açıqlama verib.

Kataloniyalılar 9-cu və 18-ci dəqiqələrdə Markus Reşford və Ferran Torresin qolları sayəsində qalib gəldi. Rafinya isə 64-cü dəqiqədə meydana daxil olub, bu, onun mart ayından bəri ilk oyunu idi.

AZERFAX.AZ xəbər verir ki, braziliyalı futbolçu oyundan sonrakı müsahibəsində müdafiəçi Jerar Martinin döyüşkən keyfiyyətlərini yüksək qiymətləndirib. Jurnalist Fabritsio Romano Rafinyanın sözlərini sitat gətirib:

“Martinlə müharibəyə gedə bilərsən. Mən onunla dünyanın sonuna qədər gedərdim”.

“Barselona” mövsümün sonuna üç oyun qalmış çempionluğu rəsmiləşdirib.