İranda hərbi-dəniz zonası vuruldu

İranın cənubundakı Konarak şəhərinin hərbi-dəniz zonası iki mərhələdə döyüş təyyarələrinin hücumuna məruz qalıb.

AZERFAX.AZ xəbər verir ki, bu barədə İranın IRNA agentliyi şəhərin qubernatoru Məhəmməd Yunis Hakaniyə istinadən məlumat yayıb.

Onun sözlərinə görə, hərbi-dəniz obyektinin ərazisində iki partlayış səsi eşidilib.

“Bu bölgə iki mərhələdə düşmən qırıcılarının hücumuna məruz qalıb”, – deyə Hakani bildirib.

O qeyd edib ki, hadisədən sonra xilasetmə, təhlükəsizlik və digər müvafiq xidmətlər dərhal hadisə yerinə göndərilib. Hazırda hücumun təfərrüatları araşdırılır və müəyyənləşdirilir.

Hüseyn İbadlı