Rusiya Futbol İttifaqının fəxri prezidentinin FİFA və UEFA-dan aldığı təqaüdü niyə kəsiblər?

Rusiya Futbol İttifaqının fəxri prezidenti Vyaçeslav Koloskov beynəlxalq federasiyalardan ödənişlər alıb-almadığı ilə bağlı sualı cavablandırıb.

AZERFAX.AZ xəbər verir ki, Koloskov “Sport24”-ün müxbiri Boris Korolevlə müsahibəsində bildirib:

“Əvvəlcə FİFA və UEFA-dan təqaüd alırdım, amma təxminən on il əvvəl onların ödənilməsi dayandırıldı. Heç bir səbəb göstərilmədi. Niyə dayandırıldığı anlaşılmazdır.

UEFA və FİFA-dan pensiya ödənişlərinin bərpa olunacağına ümid yoxdur. Blatter və Yohansson – bu qaydaları müəyyən edən insanlar olduğu müddətdə hər şey ödənilirdi. Sonra onlar getdilər, yeni insanlar gəldi və qaydalar artıq qayda olmaqdan çıxdı. Çeferin və İnfantino bununla maraqlanmırlar”.