Gəncədə məktəblilər arasında dava zamanı xəsarət alanların vəziyyəti necədir? – Rəsmi
Gəncədə məktəblilər arasında baş verən mübahisə zamanı xəsarət alaraq xəstəxanaya yerləşdirilən məktəblilərin sağlamlıq durumu ilə bağlı rəsmi açıqlama verilib. Gəncə Şəhər Birləşmiş Xəstəxanasından AZERFAX.az-ın yerli bürosuna bildirilib ki, 22.04.2025-ci il tarixində saat 14:10 radələrində 2008-ci il şəxs (kişi cinsli) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili yardım şöbəsinə hospitalizasiya olunub. Sol gözünün hematoması və dəqiqləşdirilməmiş kəllə-beyin travması diaqnozu təyin edilən pasiyentə zəruri tibbi xidmətlər göstərilib:
“Vəziyyəti orta ağır qiymətləndirilən şəxsin müalicəsi müvafiq şöbədə davam etdirilir”, -deyə məlumatda qeyd olunub.
Xatırladaq ki, Gəncədə Yeni Gəncə yaşayış massivində Ə. Cavad adına 2 nömrəli tam orta məktəbin 9-10-cu sinif şagirdləri arasında məktəb ərazisindən kənarda mübahisə zəminində dava zamanı xəsarət alanlar olub.
Faktla bağlı Gəncə şəhər Baş Polis İdarəsində araşdırma aparılır.
AZERFAX.az Qərb Bürosu
