İsti havalarla bağlı rekord sayda ölüm halları qeydə alındı

İspaniyada may ayında baş verən həddindən artıq isti havalar 101 nəfərin həyatına son qoyub.

AZERFAX.AZ xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, bu, 2015-ci ildə qeydlər aparılmağa başlanandan bəri rekord rəqəmdir: “Bu rəqəm son on ildə may ayında baş verən isti hava ilə bağlı ölümlərin orta sayından 3,6 dəfə çoxdur”.

Qeyd edək ki, son bir neçə gündə İspaniyanın müxtəlif şəhərlərində, xüsusən də ölkənin şimalında temperatur rekordları qırılıb.