Mourinyo təcili iclas çağırdı, onun satılmasını blokladı
Yarımmüdafiəçi Aurelien Tçuameninin bu yay “Real”dan ayrılaraq “Mançester Yunayted”ə keçəcəyi ilə bağlı şayiələr yayılıb.
AZERFAX.AZ xəbər verir ki, “Indykaila News”un məlumatına görə, “Real Madrid”in yeni baş məşqçisi Joze Mourinyo Tçuameninin gedişi ilə bağlı təcili iclas çağırıb.
O, yarımmüdafiəçinin itkisinin Madrid klubu üçün böyük zərbə olacağına inanır. Portuqaliyalı məşqçi “Real Madrid” rəhbərliyini Tçuameninin onların planları üçün vacib olduğuna inandırmaq üçün hər cür səy göstərməyi planlaşdırır.
Aurelien 2022-ci ildə “Monako”dan 80 milyon avroya “Real Madrid”ə keçib. Onun müqaviləsi 30 iyun 2028-ci ilə qədərdir. 2025/26 mövsümündə yarımmüdafiəçi Madrid klubunda bütün yarışlarda 49 oyunda iştirak edib, iki qol vurub və iki məhsuldar ötürmə edib.
Müəllif: Tural
