Onların məni məğlub etməsinə icazə vermirəm…

“İnter Mayami” və Argentina millisinin hücumçusu Lionel Messi 40 yaşını qeyd etməkdən qorxub-qorxmadığı ilə bağlı sualı cavablandırıb.

AZERFAX.AZ xəbər verir ki, “The Touchline” qəzetinin verdiyi məlumata görə, Messi deyib:

“Tezliklə 40 yaşımın tamam olacağından qorxurammı? Xeyr, dürüst desəm, qətiyyən yox. Mən sadəcə olduğum kimiyəm. Motivasiyam var, çünki etdiyim işi sevirəm. Futbol oynamağı sevirəm və bacardığım qədər bunu edəcəyəm.

Mən çox rəqabətliyəm. Hər şeyi qazanmağı sevirəm. O qədər rəqabətliyəm ki, uşaqların video oyunlarda məni məğlub etməsinə belə icazə vermirəm”.

Lionel Messi iyunun 24-də 39 yaşına çatır. Hücumçunun “İnter Mayami” ilə müqaviləsi 2028-ci ilin sonuna qədərdir.