Onu diri-diri yeyərdim! – Evra hansı ulduzu nəzərdə tutur?

Fransız Patris Evra dünya futbol tarixində ən yaxşı sol cinah müdafiəçilərindən biri kimi qalıb. Evra karyerasını bitirdikdən sonra bir sıra proqramlarda ekspert kimi çıxış edir. O, xüsusən də “Arsenal”ı daim tənqid etməsi ilə gündəmdə olur.

AZERFAX.AZ xəbər verir ki, indi isə ESPN FC ilə söhbətində Patris Lamin Yamalı tənqid edib.

“Ən yaxşı vaxtlarımda Yamala qarşı oynasaydım, onu diri-diri yeyərdim. Bağışla, Lamin. Sənə heyranam… Amma Kriştianodan, Messidən, digər oyunçulardan mənə qarşı oynadıqları haqda soruş. Mən yaxşı oğlan deyildim”.