Trampdan Kobaxidzeyə məktub

ABŞ Prezidenti Donald Tramp Gürcüstan Baş naziri İrakli Kobaxidzeyə məktub ünvanlayıb.

AZERFAX.AZ xəbər verir ki, məktubda Tramp suverenliyi, təhlükəsizliyi və davamlı rifahı dəstəkləmək üçün birlikdə çalışaraq əhəmiyyətli irəliləyişlər əldə edilə biləcəyindən bəhs edib.

“Daha təhlükəsiz, çiçəklənən və dinc gələcəyə doğru birlikdə irəlilədikcə əməkdaşlığımızı gücləndirməyi səbirsizliklə gözləyirəm.

Amerikanın müstəqilliyinin 250 illiyi münasibətilə təbriklərinizə görə çox sağ olun. Müstəqillik Günü millətimizin təməlinin qoyulmasının və Amerika xalqına xas olan sarsılmaz azadlıq, güc və əzmkarlıq ruhunun qeyd olunmasıdır”, – ABŞ lideri məktubda bildirib.