Venesiya Film Festivalının qalibləri açıqlandı
2026-cı il Venesiya Film Festivalının bağlanış mərasimində müsabiqənin qalibləri açıqlanıb.
AZERFAX.AZ xəbər verir ki, festivalın əsas mükafatı olan “Qızıl şir” danimarkalı rejissor May el-Tukinin “Naməlum qadın” filminə verilib.
May el-Tuki əsas müsabiqədə filmini müstəqil şəkildə çəkən yeganə qadın rejissor olub. Əsas müsabiqədə ümumilikdə 21 film yer alıb.
“Gümüş şir” – münsiflər heyətinin Qran-prisi isə Cənubi Koreya rejissoru Li Çan Donun “Mümkün sevgi” filminə təqdim olunub.
Rejissorluğa görə “Gümüş şir” mükafatını İlya Xrjanovski “Dau” filminə görə qazanıb.
Festivalın əsas müsabiqəsində mükafatlar belə bölüşdürülüb:
“Qızıl şir” – Qran-pri – “Naməlum qadın”, rejissor May el-Tuki;
“Gümüş şir” – Qran-pri – “Mümkün sevgi”, rejissor Li Çan Don;
Rejissorluğa görə “Gümüş şir” – İlya Xrjanovski, “Dau”;
Ən yaxşı qadın roluna görə Volpi kuboku – Matilda Arsel, “Naməlum qadın”;
Ən yaxşı kişi roluna görə Volpi kuboku – Con Malkoviç, “Vəhşi at”;
Ən yaxşı ssenari – Stefan Brize, Korali Amadeo və Olivye Qors, “Yaxşı balaca əsgər”;
Münsiflər heyətinin xüsusi mükafatı – “Naza”, rejissorlar Yuval Abraham və Raxel Şor;
Ən yaxşı gənc aktyor və ya aktrisa üçün Marçello Mastroyanni mükafatı – Malu Hebizi, “15/18”.
