Bu ölkədə vətəndaşlara pulsuz və limitsiz süni intellekt təqdim ediləcək
Cənubi Koreya hökuməti ölkənin bütün vətəndaşlarının pulsuz və istifadə limiti olmadan süni intellekt xidmətlərindən yararlanmasına imkan verəcək yeni proqram həyata keçirir.
AZERFAX.AZ xəbər verir ki, “AI for All” adlanan layihə çərçivəsində vətəndaşlara ChatGPT-yə bənzər ümumi təyinatlı süni intellekt çatbotu təqdim olunacaq. Xidmətin bu il istifadəyə verilməsi planlaşdırılır və hökumət onun ölkənin yerli süni intellekt modelləri əsasında işləməsini nəzərdə tutur.
Layihənin əsas məqsədlərindən biri Cənubi Koreyanın ABŞ və digər xarici texnologiyalardan asılılığını azaltmaq, həmçinin yerli süni intellekt sənayesinin inkişafını sürətləndirməkdir.
Hökumət süni intellektə çıxış imkanlarında sosial fərqlərin yaranmasının qarşısını almağı və texnologiyanı geniş əhali üçün əlçatan etməyi də hədəfləyir.
