Misli Premyer Liqasında II tur başlayır

Misli Premyer Liqasında II turun ilk oyunları bu gün keçiriləcək.

AZERFAX.AZ xəbər verir ki, turun açılış günündə iki qarşılaşma baş tutacaq. “Qəbələ” saat 18:30-da doğma meydanda “Şəfa”nı qəbul edəcək.

Günün digər matçında “Zirə” ilə “İmişli” üz-üzə gələcək. Qarşılaşma saat 20:45-də başlayacaq.

Qeyd edək ki, avrokuboklardakı çıxışla əlaqədar “Sabah” – “Sumqayıt” və “Qarabağ” – “Kəpəz” oyunları təxirə salınıb. II tura avqustun 23-də yekun vurulacaq.