Rusiya Böyük Britaniyaya xəbərdarlıq etdi

Rusiya Böyük Britaniyanın Ukraynaya hərbi dəstəyini davam etdirməsinə görə xəbərdarlıq edib.

AZERFAX.AZ xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova açıqlama verib. O bildirib ki, Londonun mövqeyindən geri çəkilməməsi qarşıdurmanı yeni mərhələyə keçirə bilər. O, İngiltərə və Fransanın Ukraynaya uzaqmənzilli raket texnologiyası verməsini “odla oynamaq” kimi qiymətləndirib.

Rusiya tərəfi belə bir vəziyyətin davam edəcəyi təqdirdə Böyük Britaniyanın hərbi obyektlərinin hədəfə alına biləcəyini istisna etməyib.