Samuxda ağır qəza, 3 ölü, 1 yaralı var

Samuxda baş verən ağır yol nəqliyyat hadisəsi zamanı ölən və yaralananların adları məlum olub. AZERFAX.az-ın yerli bürosunun məlumatına görə hadisə rayonun Sarıqamış kəndi istiqamətində baş verib. Hərəkətdə olan “Mercedes” markalı avtomobillə “VAZ2107” markalı maşın toqquşması zamanı 1975-ci il təvəllüdlü Samir Əhmədov, 1987-ci il təvəllüdlü Fəridə Əhmədova və 1962-ci il təvəllüdlü Aqilə Alıyeva həlak olublar. Hadisə nəticəsində 2009-cu il təvəllüdlü Əhməd Əhmədov isə müxtəlif dərəcəli bədən xəsarətləri alaraq xəstəxanaya yerləşdirilib.
Qəza zamanı həyatını itirənlər Samuxun Burunqocaq kənd sakinləridir və bir ailənin üzvləridir.