Bu məhsul “qızıla” çevrilir – İspaniya və Rusiya almaq üçün növbədədir
Türkiyənin Aksaray bölgəsində ata toxumlarından yetişdirilən üzvi sarımsaqların yığımına başlanılıb.
AZERFAX.AZ xəbər verir ki, tərkibində yüksək miqdarda selenyum və germanium elementlərinin olması bu məhsula xarici bazarlarda marağı daha da artırıb. Bu il Aksaray sarımsağının əsas ixrac istiqamətləri İspaniya və Rusiya olacaq.
Aksarayda ötən ilin sentyabr ayında torpağa əkilən ata toxumlarından əldə olunan məhsul bu mövsüm yüksək məhsuldarlıqla diqqət çəkir. Xüsusilə antibiotik istehsalı ilə məşğul olan xarici əczaçılıq şirkətləri bölgədə yetişdirilən sarımsağa böyük maraq göstərir. Mütəxəssislər bunu məhsulun tərkibindəki faydalı mineralların yüksək səviyyədə olması ilə əlaqələndirirlər.
Sarımsaq istehsalçısı Uğur Öngün bildirib ki, bu il məhsuldarlıq ötən illə müqayisədə əhəmiyyətli dərəcədə artıb.
Onun sözlərinə görə, Aksaraya məxsus ata toxumlarından yetişdirilən üzvi sarımsaqların yığımına başlanılıb və məhsul həcmi ötən illə müqayisədə təxminən iki dəfə çoxdur. Keçən il 2-2,5 ton civarında olan məhsuldarlıq bu il 3-4 ton arasında dəyişir.
İstehsalçılar bildirirlər ki, mövsüm ərzində yağıntıların bol olması məhsulun inkişafına müsbət təsir göstərib. Nəticədə həm keyfiyyət, həm də məhsuldarlıq göstəricilərində artım qeydə alınıb.
Kənd təsərrüfatı mütəxəssislərinin fikrincə, yerli ata toxumlarının qorunaraq istehsalda istifadə olunması həm bioloji müxtəlifliyin saxlanılmasına, həm də yüksək əlavə dəyər yaradan ixrac məhsullarının formalaşmasına imkan verir. Aksaray sarımsağı da bu baxımdan Türkiyənin kənd təsərrüfatı məhsulları arasında xüsusi yer tutur.
Bu il məhsulun əsas hissəsinin İspaniya və Rusiyaya göndərilməsi planlaşdırılır. Xarici bazarlarda artan tələbat isə Aksaray sarımsağının beynəlxalq səviyyədə tanınmasının və kommersiya potensialının yüksəldiyini göstərir.
You must enable Javascript on your browser for the site to work optimally and display sections completely.
