İdman jurnalisti vəhşicəsinə öldürüldü

İtaliyada idman jurnalisti Luka Esposito vəhşicəsinə qətlə yetirilib.

AZERFAX.AZ xəbər verir ki, bu barədə “Rai” məlumat verib.

Yanğınsöndürənlər Eboli şəhərində 53 yaşlı kişinin yanmış cəsədini tapıblar. Espositonun şəxsiyyəti onun avtomobilinin cinayət yerinin yaxınlığında park edilməsi səbəbindən müəyyən edilib.

Meyitin yarılması zamanı jurnalistin əvvəlcə güllələndiyi, daha sonra isə cəsədinin yandırıldığı məlum olub. Bu cinayətin motivi hələ də məlum deyil və qatillərin axtarışı davam edir.

Esposito Salerno şəhərində bir qəzetdə işləyirdi və eyni adlı futbol klubuna həsr olunmuş “Tutto Salernitana” veb saytının baş redaktoru idi.