Şimali Koreya nüvə məsələsində güzəştə getməkdən imtina etdi

KXDR nüvə tərksilahı ilə bağlı güzəştə getməyəcək və ölkənin nüvə qüvvələrinin gücləndirilməsi kursunu davam etdirəcək.

AZERFAX.AZ Koreya Mərkəzi Xəbər Agentliyinə (KCNA) istinadla xəbər verir ki, bunu Koreya Əmək Partiyası Mərkəzi Komitəsinin şöbə müdirinin müavini Kim Yo Çjon bəyan edib.

“KXDR suverenliyinin təhlükəsizliyini qorumaq üçün qüvvələr paritetinin pozulmasına heç bir halda yol verməyəcək… Bu, bütün dünyaya ölkənin müdafiəsi ilə bağlı bir addım belə güzəştə getməyəcəyimizə dair aydın siqnaldır”, – deyə Kim Yo Çjon bildirib. (publika)