Venesuelada zəlzələ qurbanlarının sayı artır

Venesuelada iyunun 24-də baş vermiş güclü zəlzələlər nəticəsində həlak olanların sayı 1943 nəfərə çatıb.

AZERFAX.AZ xəbər verir ki, bu barədə Venesuela Milli Assambleyasının sədri Xorxe Rodriges bildirib.

Onun sözlərinə görə, təbii fəlakət nəticəsində daha 10 min 571 nəfər müxtəlif dərəcəli bədən xəsarətləri alıb.

Xatırladaq ki, iyunun 24-ü axşam saatlarında Venesuelada təxminən 40 saniyə fasilə ilə 7,2 və 7,5 maqnitudalı iki güclü zəlzələ baş verib. Zəlzələ nəticəsində yaşayış və inzibati binalara ciddi ziyan dəyib, bir sıra bölgələrdə infrastruktur dağılıb. Hazırda axtarış-xilasetmə və bərpa işləri davam etdirilir.

You must enable Javascript on your browser for the site to work optimally and display sections completely.