Çempionlar Liqası: “Arsenal” “Real Madrid”i darmadağın etdi, Bavariya İnterə məğlub oldu -VİDEO
UEFA Çempionlar Liqasında 1/4 final mərhələsinin ilk matçlarına start verilib. AZERFAX.az xəbər verir ki, ilk oyun günündə iki qarşılaşma keçirilib. Turnirin son qalibi olan İspaniya “Real Madrid”i İngiltərədə “Arsenal”a böyük hesabla uduzub – 0:3. London klubunun qollarını 58 və 70-ci dəqiqələrdə Deklan Rays, 75-ci dəqiqədə Mikel Merino vurublar.
Almaniyanın “Bavariya” klubu isə öz meydanında İtaliya “İnter”i ilə bacarmayıb. Milan klubu səfərdə 2:1 hesablı qələbə qazanıb. Qonaqların heyətində 38-ci dəqiqədə Lautaro Martines, 88-ci dəqiqədə Davude Fratezi fərqləniblər. Meydan sahiblərinin yeganə qoluna isə 85-ci dəqiqədə Tomas Müller imza atıb.
Qeyd edək ki, 1/4 finalın digər iki oyunu bu gün keçiriləcək.
UEFA Çempionlar Liqası
1/4 final, ilk oyunlar
8 aprel
“Arsenal” (İngiltərə) – “Real” (İspaniya) 3:0
“Bavariya” (Almaniya) – “İnter” (İtaliya) 1:2
Qeyd edək ki, 1/4 final mərhələsində daha iki oyun sabah baş tutacaq.
