Slavko Vinçikin derbi üçün aldığı pulun məbləği məlum oldu
Sloveniyalı referi Slavko Vinçikin 0-0 hesabı ilə yekunlaşan “Qalatasaray” – “Fənərbaxça” derbisini idarə etdiyi üçün aldığı pulun məbləği məlum olub.
AZERFAX.AZ xəbər verir ki, dünya şöhrətli hakim Slavko Vinçiç derbini idarə etdiyi üçün 3600 avro qazanıb. Bu rəqəm təxminən 134 min lirəyə bərabərdir. Vinçikin köməkçiləri 2300 avro (təxminən 88 min lirə) qazanıblar. Həmçinin, Vinciç və köməkçiləri gündəlik 350 avro (təxminən 13 min lirə) əlavə ödəniş alıb.
Qeyd edək ki, Türkiyə Futbol Federasiyası İdarə Heyətinin qərarı ilə 55 ildən sonra ilk dəfə Super Liqa matçını əcnəbi hakim idarə edib. “Fənərbaxça”nın baş məşqçisi Joze Mourinyo derbidən sonra soyunub-geyinmə otağına gedərək təcrübəli hakimi idarəçiliyi üçün təbrik edib. “Qalatasaray”ın baş məşqçisi Okan Buruk isə Vinciçin çıxışını sərt şəkildə tənqid edib.
You must enable Javascript on your browser for the site to work optimally and display sections completely.
