Almaniyanın xarici işlər naziri Abbas Əraqçi ilə danışdı

Almaniyanın xarici işlər naziri Yohan Vadeful iranlı həmkarı Seyid Abbas Əraqçi ilə telefon danışığında Hörmüz boğazının qeyd-şərtsiz açılmasını tələb edib.

AZERFAX.AZ xəbər verir ki, Vadeful bu barədə “X” hesabında bildirib.

O, telefon söhbətində İranı münaqişəyə son qoymaq üçün regiondakı qonşuları və Amerika Birləşmiş Ştatları ilə konstruktiv danışıqlar aparmağa çağırdığını qeyd edib:

“Hörmüz boğazı qeyd-şərtsiz açılmalı, hamı üçün azad və təhlükəsiz naviqasiya təmin edilməlidir”.