İspaniyadan Seutadakı 500 miqrant uşaqla bağlı qalmaqallı qərar

İspaniya hökuməti Seutada qalan təxminən 500 müşayiətsiz miqrant uşağın ölkənin əsas hissəsinə köçürülməsinə icazə verəcək.

AZERFAX.AZ “The Guardian”a istinadən xəbər verir ki, iyulun 30-da Seutaya daxil olan təxminən 70 min miqrantın böyük hissəsi sonradan Mərakeşə qaytarılıb. Lakin İspaniya qanunlarına əsasən, müşayiətsiz miqrant uşaqlar 18 yaşına qədər dövlət himayəsində qalmalıdır.

Gənclər Nazirliyi Seuta hökuməti ilə birlikdə uşaqların materikə köçürülməsi üçün təcili plan hazırlayır. Xüsusilə qızlar olmaqla, ən həssas vəziyyətdə olan uşaqlara qeyri-hökumət təşkilatları və uşaq müdafiəsi qurumları nəzarət edəcək.

Məsələ siyasi baxımdan da həssasdır. Xalq Partiyası və “Vox”un idarə etdiyi bəzi regionlar onlara ayrılacaq uşaq kvotalarına qarşı çıxır. Avropa Komissiyası isə Aİ qanunvericiliyinə əsasən, Seutada qalan miqrantların, o cümlədən müşayiətsiz yetkinlik yaşına çatmayanların Mərakeşə qaytarılmalı olduğunu bildirib.