Messi ilə müqayisə olunmaq məğlubiyyətdir

PSJ-nin baş məşqçisi Luis Enrike Lamin Yamal haqqında fikirlərini bildirib.

Parislilər çərşənbə axşamı Çempionlar Liqasının üçüncü turunda “Barselona” ilə qarşılaşacaqlar.

AZERFAX.AZ xəbər verir ki, AS Enrikenin sözlərini sitat gətirib: “Yamal əladır, çünki o, Yamal olmağa çalışır. O, oyununun müxtəlif aspektlərini inkişaf etdirir. Hər kəsi bütün zamanların ən böyük oyunçusu Messi ilə müqayisə etmək məğlubiyyətdir.

Heç kim onunla rəqabət apara bilməz. Lamin özünün ən yaxşı versiyası olmaq istəyir və özünü başqaları ilə müqayisə etmək yaxşı fikir deyil”.