Qadağa ləğv edilib, amma viza vermirlər – Ruslar çıxılmaz durumda
Rusiya Gimnastika Federasiyasının (RGF) məlumatına görə, rusiyalı idmançılar hələ də Niderlandın Rotterdam şəhərində keçiriləcək Bədii Gimnastika üzrə Dünya Çempionatında iştirak etmək üçün viza almayıblar.
AZERFAX.AZ xəbər verir ki, turnir 17-25 oktyabr tarixlərində keçiriləcək.
“Hazırda Rusiya idmançılarına Rotterdamda keçiriləcək Dünya Bədii Gimnastika Çempionatında iştirak etmək üçün vizalar hələ verilməyib.
Rusiya millisinin idmançıları tələb olunan sənədləri Niderland viza mərkəzinə təqdim ediblər. Komandanın yola düşməsi 11 oktyabr tarixinə planlaşdırılıb. Viza prosedurlarını tamamlamaq üçün cəmi dörd tam iş günü var.
Rusiya Gimnastika Federasiyası Dünya Çempionatının təşkilat komitəsi, Dünya Gimnastikası və Rusiya Xarici İşlər Nazirliyi ilə daim əlaqə saxlayır. Hazırda viza məsələsini mümkün qədər tez həll etmək üçün bütün tərəflərlə işləyirik”, – deyə “Match TV” Rusiya Gimnastika Federasiyasından sitat gətirib.
