4 milyardlıq transfer sərgüzəşti – Premyer Liqada yeni rekord
İngiltərə Premyer Liqasında 2026/27 mövsümünün yay transfer dönəmində klubların xərclədiyi vəsait yeni rekorda imza atıb.
AZERFAX.AZ xəbər verir ki, Premyer Liqa təmsilçiləri bu yay transferlərə ümumilikdə 3,46 milyard funt sterlinq, yəni təxminən 4 milyard avro xərcləyiblər. Məlumata görə, bununla da ötən il müəyyənləşən 3,14 milyard funt sterlinqlik rekord yenilənib. Transfer pəncərəsinin son günündə “Everton”dan “Mançester Siti”yə 60 milyon funt sterlinqə keçən İliman Ndiayenin transferi də ümumi göstəricinin artmasına təsir edib. “Mançester Siti”nin “Çelsi”dən Enzo Fernandesə 125 milyon funt sterlinq ödəməsi isə İngiltərə transfer rekordunu təkrarlayıb. “Aston Villa”dan “Çelsi”yə keçən Morgan Rocers üçün 117 milyon funt sterlinq ödənilib. Elliot Andersonun “Nottingem Forest”dən “Mançester Siti”yə transferi 116 milyon funt sterlinqə başa gəlib. Bildirilir ki, Bredli Barkolanın PSJ-dən “Liverpul”a keçidi üçün 107 milyon, Sandro Tonalinin “Nyukasl”dan “Tottenhem”ə transferi üçün isə 101 milyon funt sterlinq ödənilib. Beləliklə, futbol tarixində ən bahalı 10 transferdən üçünün bu yay baş tutduğu qeyd olunur. Məlumata görə, həmin üç transferin hamısı Premyer Liqa klubları tərəfindən həyata keçirilib.
“Real Madrid”in “Leypsiq”dən Yan Diomandeni 125 milyon avroya transfer etməsi istisna olmaqla, Avropada bu yay ən bahalı beş keçiddən dördü də Premyer Liqada reallaşıb.
