Bizim də gözümüz yollardan yığıldı
Xəbər verdiyimiz kimi, Ucar rayonu Boyat kəndində Birinci Qarabağ müharibəsi şəhidi son mənzilə yola salınıb.
Şəhid Musayev Dəyanət Salik oğlunun əmisi oğlu AZERFAX.AZ-a açıqlamasında bildirib ki, nəhayət 33 ildən sonra onların gözü yollardan yığıldı.
O qeyd edib ki, 33 ildən sonra şəhidin dəfni baş tutub:
“Uşaqlığımız onunla bir keçib. Bizim də gözümüz yollardan yığıldı. Kəlbəcər rayonu Yanışaq kəndi istiqamətində 1993-cü il fevral ayının 14-də Murov əməliyyatında itkin düşmüşdü. Allah bütün şəhidlərimizə rəhmət eləsin”.
Xatırladaq ki, itkin-şəhid Dəyanət Musayev Ucar rayon Boyat kənd qəbiristanlığında dəfn edilib.
Davud Tarverdiyev / AZERFAX.AZ
You must enable Javascript on your browser for the site to work optimally and display sections completely.
