İsveçdə turnirdə iştirak edən Afrika ölkəsinin komandası izsiz yoxa çıxıb

İsveçin Göteborq şəhərində keçirilən Getia Kuboku turnirində iştirak etdikdən sonra Efiopiyanın gənclər futbol komandası yoxa çıxıb.

AZERFAX.AZxəbər verir ki, bu barədə “Goteborg-Posten” qəzeti məlumat yayıb.

Mənbənin məlumatına görə, itkin düşənlər arasında 14-17 yaş arası 20 gənc futbolçu və bir yetkin məşqçi var. Turnirin son günündə komanda xəbərdarlıq etmədən yarış zamanı qaldıqları məktəbi tərk edib.

Çox güman ki, afrikalı yeniyetmələr vətənlərinə qayıtmaq əvəzinə, İsveçdə qaçqın olmağa könüllü olaraq qərar veriblər.

İsveç polisi bildirib ki, “Bunun arxasında insan alveri və ya oxşar bir şey kimi qanunsuz bir şeyin dayandığına dair heç bir əlamət yoxdur”.