Norveç DÇ-2026-ya qələbə ilə start verdi

Futbol üzrə dünya çempionatında Norveç İraqa qalib gəlib.

AZERFAX.AZ xəbər verir ki, Boston stadionunda keçirilən I qrupunun matçında avropalılar 4:1 hesablı qələbəyə seviniblər.

Norveçin heyətində Erlinq Holann (29, 43), Leo Estiqor (76) və Kristian Torstvedt (90+7) fərqləniblər. İraqın qolu isə Ayman Husseynin (39) ayağına yazılıb.

Qeyd edək ki, bu qrupun digər matçında Fransa Seneqala 3:1 hesabı ilə qalib gəlib.