Kiyevə raket zərbələri endirilir, dağıntılar var

İyulun 19-na keçən gecədən başlayaraq Rusiya ordusu Ukraynanın paytaxtı Kiyev şəhərini ballistik raketlərlə vurur.

AZERFAX.AZ xəbər verir ki, şəhərdə güclü partlayış səsləri eşidilir.

Kiyev şəhər meri Vitali Kliçkon bildirib ki, hücum nəticəsində Kiyevin Desnyanisk və Şevçenko rayonlarında dağıntılar qeydə alınıb.

Hazırda xilasedicilər hücumun fəsadlarının aradan qaldırılması istiqamətində işləri davam etdirirlər. Zərərçəkənlərin sayı ilə bağlı məlumatlar dəqiqləşdirilir.

Motorinq qrupunun yaydığı məlumata görə, Kiyevə 10-dan artıq raket atılıb.

Hazırda da hava zərbələri davam edir.