Göygöldə maşın dirəyə çırpıldı, 5 nəfər xəstəxanalıq oldu.

Göygöldə sürücünün idarəetməni itirməsi 5 nəfərin xəsarəti ilə nəticələnib. AZERFAX.az-ın yerli bürosunun məlumatına görə hadisə Göygöl şəhərində baş verib. Hərəkətdə olan avtomobil idarəetmədən çıxması nəticəsində maşın yol kənarında olan işıq dirəyinə çırpılıb. Qəza zamanı 2000-ci il təvəllüdlü Ə. İsmayılov, 2001-ci il təvəllüdlü C. Bəylərov, 2003-cü il təvəllüdlü E. Həsənov, 2006-cı il təvəllüdlü E.Quliyev və 2001-ci il təvəllüdlü V.Bəylərov müxtəlif dərəcəli bədən xəsarətləri alaraq xəstəxanaya yerləşdiriliblər.  Onlara ilkin tibbi yardım göstərilib, vəziyyətlərinin stabil olduğu bildirilir. Faktla bağlı araşdırma aparılır.