Azərbaycan millisi Avropa çempionatının finalında

Minifutbol üzrə Azərbaycan millisi Avropa çempionatında növbəti oyununu keçirib.

AZERFAX.az xəbər verir ki, yığma yarımfinalda Serbiya seçməsi ilə qarşılaşıb.

Dramatik keçən görüşün əsas vaxtı 1:1 hesabı ilə başa çatıb. Penaltilər seriyasında yığma komandamız rəqibini 3:1 hesabı ilə üstələyib.

Qeyd edək ki, finalda Azərbaycanın rəqibi Ukrayna yığması olacaq. Həlledici görüş iyunun 4-də baş tutacaq.